Policia e Kosovës ka raportuar se janë arrestuar një femër dhe mashkull në Shtime, pasi kishin kryer një vjedhje të rëndë.

Policia bën të ditur se të dyshuarit kanë vjedhur nga antena e Telekomit të Kosovës, ndërsa kishin dëmtuar alarmin dhe ( kapakun e baterive ) të antenës.

Të dy personat janë arrestuar dhe janë shoqëruar në stacionin e policisë në Shtime .

Komunikata e plotë:

Me datën 07.05.2024 rreth orës 19:38 policia e stacionit në Shtime ka pranuar një informacion se në fshatin Godanc i Epërm të Shtimes, në objektin e antenës së Telekomit të Kosovès është duke u kryer një vjedhje.

Patrullat e policisë menjëherë janë nisur në atë drejtim dhe me të arritur në vendin e ngjarjes kanë hasur në një veturë Ford Focus me targa vendore dhe dy persona të dyshuar. Gjatë legjitimimit dhe kontrollimit të tyre dhe veturës, në bagazhin e veturës janë gjetur 4 bateri akumuluese elektrike, të cilat dyshohet se ishin vjedhur nga antena e Telekomit të Kosovës, ndërsa kishin dëmtuar alarmin dhe ( kapakun e baterive ) të antenës. Të dy personat janë arrestuar dhe janë shoqëruar në stacionin e policisë në Shtime .

Të arrestuarit janë :

– M.M ( M/K), i moshës 44 vjeçar,

– M.P  (F/K) ,  e moshës 43 vjeçareTë dyshuarit pas intervistimit nga hetuesit policorë me vendim të prokurorit kujdestar nga Prokuroria Themelore në Ferizaj  janë ndaluar në mbajtje për 48 orë për procedura tjera hetimore./Arbresh.info/